Los ischs hüt gange, früeh am Morge, midem Zmorge.
Es Rad, V-Step ond wiiter gumpe hets be de Gymnastik gheisse, do döi sech d’Schwinger lieber gägesitig is Sagmehl schmeisse.
1,2,3 Hoselupf, do gits sicher gli einisch no en Schnupf.
D’Polys hei sechs vom heisse Wetter ned lo näh, bim Speedminton ond Beachvolley alles zgäh.
Niemer het höt bim Zeltufruhme chöne schwänze, denn mer hei höt jo mösse glänze.
De Jöhrlech höchi Bsuech esch nämlech cho, ond mer hend si in Empfang gno.
Die wiisse T-Shirts send montiert, ond mer of de Stäge fasch fritiert.
Der Fotograph het üs wie jedes Johr, mit sim Charme es Lache ufs Gsicht zouberet, vo Ohr zu Ohr.
Denn ändlech isches losgange, mir hei üs verteilt, ufd Nomittagsfächer, mir hei üs beeilt.
Mitem grosse Stand-up Paddle simer ufe See, üsi Salti het me sogar vom Ufer us gseh.
Anderi hei mit Hüehnner umegworfe, natürlech nid mit ächte, bim Sitzball hends di mit Plastik beworfe.
Bim Misch hets gheisse mitem Stab höch springe, mit der beste Technik sich säuber über d’Latte zbringe.
So wie mer usegfunge hei bruchts zum chlettere nid zwingend Bei, wenn me Bizeps het, de gots ou mit de Arme allei.
S’traditionelle Beach-Volley Turnier, hei mir gspielt am See in Teams vo vier.
Wie d Profis hei mer üs i Sand gleit, hei gluegt, dass jede Ball übers Netz gheit.
Aus Bettmümpfeli hets gäh für aui ä Crèmeschnitte, do löh mir üs nid zwöi mou loh bitte.
Baud isches sowiit, und s Lager isch verbii, no morn de isches das schowieder gsi.