Der hütig Tag het gstartet mitem letzte guete Müesli vom Chuchiteam – wiedermou sidefin.
No s letzte Mou ischs id Pflichtfächer gange und um d Taufi hei die Neue au müesse bange.
Dure Bach und ab is Sagmäuh hets gheisse, s Lagerlied hei d Poly’s drzue auno müesse schmeisse.
Bide Getus hei nid nur die neue Turner und Turnerinne  müesse bange, sondern au die neue Leiter und Leiterinne hei sech bim Turnerlied müesse inehange.
Süsch isches ir Halle nüm so gloffe, will alli Händ si langsam offe.
Spiel und Spass mit Hauri Urs, das bhaltet d Schwinger fit und uf Kurs.
S isch nämlich nid das wo nachs tönt, do wärde alli Muskle verwöhnt.
Natürlech darf o s Schwinge nid fähle, sie hei sich sogar gäg es paar Polyfraue dörfe quäle.
Dank em Programm an de letschte 4 Tag, mötte jetz d Chleider, was ä Plag.
Carbonara hets Zmittag gäh und de heimer üs ar Nase müesse näh, s Turnfesttänzli het jo de ou öpis müesse häregäh.
Vorem Turnfest si di jährleche Ehrige cho, für das het me sech wie immer gnue Zit gno.
S Turnfest het mitem Pändulouf gstartet, do het jede uf si Ihsatz gwartet.
Im Sagmäu hei sech hüt nid nur d Schwinger versammlet, sondern au die muetige Freiwillige hei uf ihri Paarige planget.
Wie am Mittwuch scho vorbereitet, het üs dr Yännu dürs Gymnastikprogramm gleitet.
Sogar d Leiter hei e Tanz zum Beste gäh, dr Dab isch abr schochli 2016.
I Ässsau si d Sportler gstörmt, dört het me si de mit Schnitzubrot verwöhnt.
Wie sichs amne Turnfest ghört, het jede die gueti Stimmig verspört.
Alli si uf de Bänk gstange und so isch au de Obe guet vergange.
Leider müsse mir das tolle Lager morn verloh, si aber villich gli als Leiter wieder do.