Willkommä zum hütigä Tagesbricht, jetz isch dr Mittwuch widder Gschicht.
Nachem spötere Zmorge esch es für alli as Gymnastik üebe gange, d Motivation deför esch be de Meistä aber im Bett bliibe hange.
Nome langsam esch es vorwärts gange, so dass nüt anders übrig blibt als ofe Fritig z bange.
Uf dr Wiesä si mer ummägsprungä und hei mit chlinä Bändlä gschwungä.
Üebä düe mir fürs Turnfescht am Fritig, hoffentlich schaffä alli ihri Choreo zitig.
Getus hend ihri Ufgab för dUstaufete übercho, trotzdem het si de Muet net verloh.
D’Leiter probiere si met Bestrofige zstoppe aber si werde grad dorom tapfer nochetopple.
De Lunch isch gfasst dStimmig passt. Die einte send jogget die andere gloffe mer hei üs alli vorem Lido in Locarno troffe.
Die einte hets is Wasser zoge während anderi send vom Sprungturm gfloge.
Uf de Wasserburg hei mer au gsunge, das esch üs wie immer glunge.
Zum de Obe abzrunde send di Meiste id Stadt verschwunde.
Dört send alli amne andere Ort gsesse ond hend e feini Pizza gässe.
Im Zog för zrugg isch weder Musig gloffe, zom Glöck hei mer ke Kondüktör troffe.
Bim Rugbyspiel zobe spot hei dSchwinger gspilt als gängs om Lebe ond Tod.
So wit esches de zum Glöck net cho nur e Nase hets gno.
Morn müesse mer widr alles gäh, dorum lo mers üs nid lo näh, de Bricht iz abzgäh.