Solothurner Turnverband
zur normalen Ansicht wechseln zur mobilen Ansicht wechseln

Man glaubt es kaum, heut ist der Schaum auch im Raum.

von Rosemarie Strähl
2. August 2021


A däm schöne zistig Morge simer vo de ruehige, plätschernde Rägekläng gweckt worde. Leider hets der Petrus nid so guet mit üs gmeint, wie erhofft. Nachemne grandiose Zmorge simer au scho wieder id Pflichtfächer gstartet. Hüt ischs chli ahpasst worde und mir hei üs aui ir Halle versammlet, nur d Schwinger die si Spinner - si hei dänkt chli Räge schadet nid und hei im gröschte Schiff mit em Schwinge gstartet. D Polys hei sech gseit: «Wenn d Schwinger das chöi, chöi mir das ou.» Sie si dusse e rundi goh Bike Polo spiele. D Lala`s hei ebefaus dusse mitem Lauftraining gstartet, nachdäm si si dinne cho a der Wurftechnike schliffe. S Aerobicufwärme vom Dinu und der Kraftteil mit der Nuria het vo üsne Gymnastikerinne viu Schweiss und Buchmuskle gforderet. D Getu`s hei unger üs aune müesse liide und hei müesse Platz mache. S Riz Casimir isch ganz famos gsi. Früsch gstercht simer de i Nomitag gstartet. Wägem Räge si au d Johrgangsfächer apasst worde. Gwüssni hei zersch müesse dr Tennisplatz entwässere und anderi hei mit Ersatzprogramm müesse Vorlieb nä. D Wahlfächer si grandios wie immer völlig unapasst über d Bühni gange. Nachem Znacht heimer e Schumschlacht gmacht. D Leiter hei sich wie immer nümme gspürrt und hei üs mit Schum bombardiert. Schlussändli simer aui zäme am Tanze gsi u heis lustig gha. Müed und glücklich simer aui brav ufs Pfannefertig im Bett gläge.


 

Tipp: Du kannst für den Bilderwechsel
auch die Pfeiltasten benutzen.

zurück zur Übersicht

© 2021 | SOTV Solothurner Turnverband | www.sotv.ch
Die Partner des SOTV und seiner Vereine:
Hauptsponsoren
Classic Sponsor
Auszeichnungen