Solothurner Turnverband
zur normalen Ansicht wechseln zur mobilen Ansicht wechseln

Oh Petrus gib uns deinen Segen, morgen soll es nicht mehr regnen!

von JG 2001
3. August 2021


Hüt hets öbbe so usgseh:
…………………………………………………………………………………………………………………………………………………………….……………………………………………………………………………………………………………………………………………………………….…………………………………;)( = Rägetröpfli)
Am hütige Morge hei mer ändlich mol dörfe usschlofe. Nachemne famose Brunch mit feine Schoggigipfeli und Brötli simer ine gmüetleche Morge gstartet. Mir hei a öisne Choreographie fürs Turnfest am Fritig gschaffet: In chline Gruppene düe mir e Tanziilag iistudiere. I dere müsse mir verschiedensti akrobatischi Element, Tanziilage und no ganz anderi Sache iibaue. Und das alles imne Lied wo nur 1 Minute duret. Wägem schlechte Wetter hei mir leider nid ufem Gymnastikfeld chönne trainiere und hei öis i jede verfüegbari Schärme müsse verzieh. Nachemne sehr feine Teller Spaghetti Carbonara hei mir am Nomitag chönne uswähle, weli Sportagebot mir wei usprobiere. Die einte Teilnähmer hend sich im Klettere probiert, anderi hend sich bi Kampfsport ustobet und nomol anderi hend sich im Unihockey und Pingpong gegenand gmässe. Im Aschluss sind die meiste zum Massiere gange. Obwohls im J&S-Zelt mega chalt isch gsi, sind d Massagene doch sehr entspannend gsi für die stark beaspruchte Muskle. Nur 15 Lüt hei nonig gnue Bewegig gha und de nomol e Rundi gspielt. S Znacht isch e super Sach gsi. Obwohl mir hüt eigentlich Usgang hätte gha, hei mir leider ned is Restaurant chönne g  o ässe. Einzig is Coop hei mir dörfe. Darum hei sech viel d Gmüessuppe vo der Chuchi gönnt. Und die isch eifach hammermässig gsi. Am Obe het jede sine eigete Interesse dörfe nochegoh. Paari hend Kartespeli gspielt, paari die regefrei Stund gnosse und chli uf der Stäge chillt und anderi send schomol is Bett.
 
 

Tipp: Du kannst für den Bilderwechsel
auch die Pfeiltasten benutzen.

zurück zur Übersicht

© 2021 | SOTV Solothurner Turnverband | www.sotv.ch
Die Partner des SOTV und seiner Vereine:
Hauptsponsoren
Classic Sponsor
Auszeichnungen