Solothurner Turnverband
zur normalen Ansicht wechseln zur mobilen Ansicht wechseln

Mit Neugier schauten wir das Volleyball-Turnier

von Rosemarie Strähl
4. August 2021


Vo de erste Sunnestrahle gweckt, simer aui voller Vorfreud ufgstande. D Sunne und s feine Zmorge hei üs, wie jede Tag, viu Energie für üsi Pflichtfächer gäh. Die heimer nach zwöi verrägnete Täg wieder seriös chönne dürefüere. Dört heimer höche Bsuech becho vom SOTV, der Zitig und aTuTi, wo üs der ganz Tag begleitet hei. Us däm Grund heimer üs vor beste Site wöue zeige und hei aui üsi Zäut blitzblank ufgrumet. D Getu’s hei mau d Rolle gwächslet mit de Lala`s und hei bim Misch e Rundi Lauftraining gha. Üsi Gymnastikerinne hei sich ah Aerobic-Schritte probiert und d Schwinger hei chli Steine dürd Luft gworfe. Der Räst vo üs Turner hei wie immer i ihrne Fächer Vougas gäh. Am Mittag heimer es super Saltimbocca dörfe gniesse und hei üs zimli gstresst gfüehlt vo de Schwinger. Si hei üs immer wöue d Täuer us de Händ schrisse bevor mir hei chönne fertig bisse. Mit voue Büch heimer e Ahsproch vo üsne Gäst dörfe gniesse und hei no e rächte Zuestopf für die zwöi Lager becho. Diräkt nächhär si mir id Jahrgangsfächer. Die Öutischte hei sich im See bim SUP abkühelt und die Jüngste hei sich ah Kin Ball probiert. Nach de Wahlfächer simer aui wieder hungrig am Znachtisch ghocket.  Gstärkt vo däm feine Cordonbleu und de Brathärdöpfeli heimer üs im Volleyball-Turnier gmässe. D Gruppe «Doch nid FMS» het nachemne spannende Finalspiel der Sieg ah sich grisse. Nachem Finalspüu hei üs feini Cremschnitte aglachet guet Nacht.
 

Tipp: Du kannst für den Bilderwechsel
auch die Pfeiltasten benutzen.

zurück zur Übersicht

© 2021 | SOTV Solothurner Turnverband | www.sotv.ch
Die Partner des SOTV und seiner Vereine:
Hauptsponsoren
Classic Sponsor
Auszeichnungen